ಮೈಸೂರು: February 11:- ಭಾರತದ ಪ್ರಮುಖ ಮತ್ತು ಪ್ರೀಮಿಯಂ ಮದುವೆ ಹಾಗೂ ಲಕ್ಸುರಿ ಫ್ಯಾಷನ್ ಪ್ರದರ್ಶನಗಳಲ್ಲಿ ಒಂದಾದ ಹೈ ಲೈಫ್ ಬ್ರೈಡ್ಸ್ ಮೈಸೂರಿನಲ್ಲಿ ಭವ್ಯವಾಗಿ ಉದ್ಘಾಟನೆಗೊಂಡಿತು. ರಾಡಿಸನ್ ಬ್ಲೂ ಪ್ಲಾಜಾ ಹೋಟೆಲ್ನಲ್ಲಿ ನಡೆಯುತ್ತಿರುವ ಈ ಎರಡು ದಿನಗಳ ಪ್ರದರ್ಶನ ಫೆಬ್ರವರಿ 11 ಮತ್ತು 12ರಂದು ಬೆಳಿಗ್ಗೆ 10ರಿಂದ ರಾತ್ರಿ 9ರವರೆಗೆ ಸಾರ್ವಜನಿಕರಿಗೆ ತೆರೆದಿರಲಿದೆ.
ಈ ಪ್ರದರ್ಶನದಲ್ಲಿ ವಧುವಿನ ಉಡುಪುಗಳು, ಡಿಸೈನರ್ ಸೀರೆಗಳು, ಲೆಹೆಂಗಾಗಳು, ಆಧುನಿಕ ಗೌನ್ಗಳು, ಕೈಮಗ್ಗ ಆಭರಣಗಳು ಹಾಗೂ ಲಕ್ಸುರಿ ಆಕ್ಸೆಸರಿಗಳನ್ನು ದೇಶದ ವಿವಿಧ ಖ್ಯಾತ ಡಿಸೈನರ್ಗಳು ಮತ್ತು ಬ್ರ್ಯಾಂಡ್ಗಳು ಪ್ರದರ್ಶಿಸುತ್ತಿವೆ. ಪಾರಂಪರಿಕ ಶೈಲಿಯೊಂದಿಗೆ ಸಮಕಾಲೀನ ವಿನ್ಯಾಸಗಳ ಸುಂದರ ಸಂಯೋಜನೆ ಇಲ್ಲಿ ಗಮನ ಸೆಳೆಯುತ್ತಿದೆ.
ಉದ್ಘಾಟನಾ ಸಮಾರಂಭದಲ್ಲಿ ವಿವಿಧ ಕ್ಷೇತ್ರಗಳ ಗಣ್ಯ ಮಹಿಳೆಯರು ಭಾಗವಹಿಸಿದ್ದರು. ಹೈ ಲೈಫ್ ಎಕ್ಸಿಬಿಷನ್ಸ್ನ ಆಯೋಜಕಿ ಶೋಮಿಕಾ ಎಸ್ ರಾವ್, ಪ್ರಾದೇಶಿಕ ವ್ಯವಸ್ಥಾಪಕಿ ರಿಯಾ, ವರ್ಷಾ ಎನ್ಕ್ಲೇವ್ನ ವ್ಯವಸ್ಥಾಪಕ ನಿರ್ದೇಶಕಿ ಪ್ರಿಯಾಂಕಾ ಅಜಿತ್ ಗೌಡ, ವರ್ಷಾ ಟೆಕ್ ಪಾರ್ಕ್ನ ಮಾಲಕಿ ಸಾಧನಾ ಕೆ, ವರ್ಷಾ ಅಸೋಸಿಯೇಟ್ಸ್ ಪ್ರೈ.ಲಿ. ನಿರ್ದೇಶಕಿ ನಿಧಿಶ್ರೀ ವಿ ಎನ್, ಐಕ್ಯೂವಿಯಾ ಸಂಸ್ಥೆಯ ಉತ್ಪನ್ನ ಮಾಲಕಿ ನೇಹಾ ಭಟ್, ‘ರಿವಾಲ್ವ್ ಬೈ ಪ್ರೀತಿ’ ಸಂಸ್ಥೆಯ ಸ್ಥಾಪಕಿ ಪ್ರೀತಿ ಪಡಕಿ, ಎಚ್ಎಸ್ಜಿ ಇನ್ಫ್ರಾ ಸಂಸ್ಥೆಯ ವ್ಯವಸ್ಥಾಪಕ ಪಾಲುದಾರ್ತಿ ರಮ್ಯಾ ಎಚ್ ಎಸ್, ನೇಲ್ ಟೆಕ್ನಿಷಿಯನ್ ರಶ್ಮಿ ಜಯಂತ್, ಹ್ಯಾಂಡ್ಬುಕ್ ಸಂಸ್ಥೆಯ ವಾಸ್ತುಶಿಲ್ಪಿ ಸಂಜನಾ ಶ್ರೀಹರಿ, ಉದ್ಯಮಿ ಹಾಗೂ ರೈತೆಯಾದ ರಮ್ಯಾ ಕೋಟೆ, ಹಾಗೂ ಉದ್ಯಮಿ ಸೌಜನ್ಯ ಶಿವಣ್ಣ ಅವರು ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ ಮಾತನಾಡಿದ ಶೋಮಿಕಾ ಎಸ್ ರಾವ್, ಮೈಸೂರಿನ ಸಂಸ್ಕೃತಿ, ಪರಂಪರೆ ಮತ್ತು ಸೊಗಸು ಹೈ ಲೈಫ್ ಬ್ರೈಡ್ಸ್ಗೆ ಸೂಕ್ತ ನಗರವಾಗಿದ್ದು, ಈ ಆವೃತ್ತಿಯಲ್ಲಿ ಪಾರಂಪರಿಕ ಹಾಗೂ ಆಧುನಿಕ, ಸಸ್ಟೇನಬಲ್ ಫ್ಯಾಷನ್ಗಳ ಮಿಶ್ರಣವನ್ನು ನೀಡಲಾಗಿದೆ ಎಂದು ತಿಳಿಸಿದರು.
ಕಾರ್ಯಕ್ರಮ ಸಂಯೋಜಕ ಎಸ್ ಶ್ರೀಕಾಂತ್ ಮಾತನಾಡಿ, ಹೈ ಲೈಫ್ ವೇದಿಕೆ ನವೀನತೆ, ಸಮಾವೇಶ, ಸತತತೆ ಹಾಗೂ ಸಾಂಸ್ಕೃತಿಕ ವೈವಿಧ್ಯತೆಯನ್ನು ಉತ್ತೇಜಿಸುವ ಮೂಲಕ ಭಾರತೀಯ ಫ್ಯಾಷನ್ನ ಭವಿಷ್ಯವನ್ನು ಪ್ರತಿಬಿಂಬಿಸುತ್ತಿದೆ ಎಂದರು.
ಮದುವೆ ಹಾಗೂ ಹಬ್ಬಗಳ ಕಾಲ ಸಮೀಪಿಸುತ್ತಿರುವ ಹಿನ್ನೆಲೆಯಲ್ಲಿ, ಹೈ ಲೈಫ್ ಬ್ರೈಡ್ಸ್ ಮೈಸೂರಿನ ವಧುವರರು, ಕುಟುಂಬಗಳು ಮತ್ತು ಫ್ಯಾಷನ್ ಆಸಕ್ತರಿಗೆ ಒನ್-ಸ್ಟಾಪ್ ಲಕ್ಸುರಿ ಶಾಪಿಂಗ್ ತಾಣವಾಗಲಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.
