ವರ್ಕೌಟ್ ಶುರು ಮಾಡಿದ ‘ಗಿಲ್ಲಿ’ ನಟ: ಹೀರೋ ಎಂಟ್ರಿಗಾ? ನಿರ್ದೇಶನದ ಕನಸಿಗಾ?
ಬಿಗ್ ಬಾಸ್ ಕನ್ನಡ ಸೀಸನ್ 12 ವಿಜೇತರಾಗಿ ಹೊರಹೊಮ್ಮಿದ ಗಿಲ್ಲಿ ನಟ ಇದೀಗ ಹೊಸ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಜಿಮ್ನಲ್ಲಿ ಕಠಿಣ ವರ್ಕೌಟ್ ಆರಂಭಿಸಿರುವ ಅವರ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ಅಭಿಮಾನಿಗಳಲ್ಲಿ ಹೊಸ ಕುತೂಹಲ ಮೂಡಿಸಿದೆ.
ಬಿಗ್ ಬಾಸ್ ಮನೆಯಲ್ಲಿದ್ದಾಗ ಸರಳತೆ ಮತ್ತು ನೈಸರ್ಗಿಕ ವ್ಯಕ್ತಿತ್ವದಿಂದ ಗಮನ ಸೆಳೆದ ಗಿಲ್ಲಿ, ಫಿಟ್ನೆಸ್ ಬಗ್ಗೆ ಅಷ್ಟಾಗಿ ತಲೆಕೆಡಿಸಿಕೊಳ್ಳದ ವ್ಯಕ್ತಿಯಾಗಿದ್ದರು. ಸಾಮಾನ್ಯ ಉಡುಪಿನಲ್ಲಿ, ಯಾವುದೇ ಸ್ಟೈಲ್ ತೋರಿಸದೆ ಕಾಣಿಸಿಕೊಳ್ಳುತ್ತಿದ್ದ ಅವರು, “ನಾನು ಹೊರಗೆ ಹೇಗಿದ್ದೀನೋ ಹಾಗೇ ಇಲ್ಲಿ ಇದ್ದೀನಿ” ಎಂದು ಹೇಳುತ್ತಿದ್ದದ್ದು ಅಭಿಮಾನಿಗಳಿಗೆ ನೆನಪಿದೆ.
ಶೋ ನಂತರದ ಜೀವನದಲ್ಲಿ ಗಿಲ್ಲಿ ನಟ ಸಂಪೂರ್ಣ ಬದಲಾಗಿರುವಂತೆ ಕಾಣಿಸುತ್ತಿದ್ದಾರೆ. ಫಿಟ್ನೆಸ್ ಟ್ರೇನರ್ ಕೌಶಿಕ್ ಗೌಡ ಅವರ ಮಾರ್ಗದರ್ಶನದಲ್ಲಿ ಗಿಲ್ಲಿ ಜಿಮ್ನಲ್ಲಿ ಕಠಿಣ ಅಭ್ಯಾಸ ನಡೆಸುತ್ತಿರುವುದು ಗಮನಸೆಳೆಯುತ್ತಿದೆ. ವಿಡಿಯೋಗಳಲ್ಲಿ ಅವರು ತೂಕ ಎತ್ತುವುದು, ಕಾರ್ಡಿಯೊ ಮತ್ತು ಬಾಡಿ ಟ್ರೈನಿಂಗ್ ಮಾಡುತ್ತಿರುವ ದೃಶ್ಯಗಳು ಕಾಣಿಸಿಕೊಂಡಿವೆ. ಈ ಬದಲಾವಣೆ ಅಭಿಮಾನಿಗಳಲ್ಲಿ “ಇಲ್ಲಿವರೆಗೆ ಒಂದು ಲೆಕ್ಕ, ಇನ್ಮೇಲೆ ಮತ್ತೊಂದು ಲೆಕ್ಕ” ಎಂಬ ಪ್ರತಿಕ್ರಿಯೆ ಹುಟ್ಟಿಸಿದೆ.
ಗಿಲ್ಲಿಯ ಈ ಫಿಟ್ನೆಸ್ ಟ್ರಾನ್ಸ್ಫರ್ಮೇಶನ್ ಹೀರೋ ಆಗಿ ಸ್ಯಾಂಡಲ್ವುಡ್ಗೆ ಪ್ರವೇಶಿಸುವ ಸೂಚನೆಯಾ ಎಂಬ ಪ್ರಶ್ನೆಯೂ ಉದ್ಭವಿಸಿದೆ. ಸಾಮಾನ್ಯವಾಗಿ ಚಿತ್ರರಂಗಕ್ಕೆ ಪ್ರವೇಶಿಸುವವರು ಫಿಟ್ನೆಸ್ ಮೇಲೆ ಹೆಚ್ಚು ಒತ್ತು ನೀಡುತ್ತಾರೆ. ಈ ಹಿನ್ನೆಲೆ ಗಿಲ್ಲಿ ಕೂಡ ಹೀರೋ ಆಗಿ ಕಾಣಿಸಿಕೊಳ್ಳಬಹುದು ಎಂಬ ಊಹಾಪೋಹಗಳು ಜೋರಾಗಿದೆ.
ಗಿಲ್ಲಿ ನಟ ತಮ್ಮ ಸಂದರ್ಶನಗಳಲ್ಲಿ ಹಲವಾರು ಬಾರಿ ನಿರ್ದೇಶನದತ್ತ ಆಸಕ್ತಿ ಹೊಂದಿರುವುದಾಗಿ ತಿಳಿಸಿದ್ದಾರೆ. ಕಥೆ ಹೇಳುವ ಕಲೆ, ಸಿನಿಮಾ ನಿರ್ಮಾಣ ಪ್ರಕ್ರಿಯೆ ಇವರಿಗೆ ಹೆಚ್ಚು ಆಕರ್ಷಣೆಯಾಗಿರುವುದಾಗಿ ಅವರು ಹೇಳಿಕೊಂಡಿದ್ದಾರೆ. ಹೀಗಾಗಿ, ಅವರ ವರ್ಕೌಟ್ ಹೀರೋ ಇಮೇಜ್ಗಾಗಿ ಮಾತ್ರವೇನಾ, ಅಥವಾ ನಿರ್ದೇಶಕರಾಗಿ ಭವಿಷ್ಯದಲ್ಲಿ ತಮ್ಮದೇ ಪ್ರಾಜೆಕ್ಟ್ಗಳಿಗೆ ಸಿದ್ಧರಾಗುತ್ತಿರುವಾರಾ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.
ಇನ್ಸ್ಟಾಗ್ರಾಮ್ನಲ್ಲಿ ಸುಮಾರು 2.2 ಮಿಲಿಯನ್ ಫಾಲೋವರ್ಸ್ ಹೊಂದಿರುವ ಗಿಲ್ಲಿ, ಬಿಗ್ ಬಾಸ್ ನಂತರ ಅತ್ಯಧಿಕ ಜನಪ್ರಿಯತೆ ಪಡೆದ ಸ್ಪರ್ಧಿಗಳಲ್ಲಿ ಒಬ್ಬರಾಗಿದ್ದಾರೆ. ಅವರ ಪ್ರತಿಯೊಂದು ಹೆಜ್ಜೆಯೂ ಇದೀಗ ಅಭಿಮಾನಿಗಳ ಗಮನದಲ್ಲಿದೆ.
ಗಿಲ್ಲಿ ನಟ ಹೊಸ ಪ್ರಯಾಣಕ್ಕೆ ಕಾಲಿಟ್ಟಿದ್ದಾರೆ. ಅದು ಹೀರೋ ದಾರಿಗೆ ಕರೆದೊಯ್ಯುತ್ತದೆಯೋ, ಅಥವಾ ನಿರ್ದೇಶಕರ ಕುರ್ಚಿಯತ್ತ ಸಾಗುತ್ತದೆಯೋ ಎಂಬುದನ್ನು ಕಾಲವೇ ಉತ್ತರಿಸಬೇಕು. ಆದರೆ ಒಂದು ವಿಷಯ ಸ್ಪಷ್ಟ: ಗಿಲ್ಲಿ ಈಗ ಗಂಭೀರವಾಗಿ ಮುಂದಿನ ಹಂತದತ್ತ ಹೆಜ್ಜೆ ಹಾಕುತ್ತಿದ್ದಾರೆ.
